കോടുങ്ങല്ലൂര്‍ നിയോജകമണ്ഡലത്തിലെ സമഗ്രവിദ്യാഭ്യാസ പദ്ധതിയായ 'അക്ഷരം'പ്രോജക്ടിന്റെ ഭാഗമായി സംസ്ഥാന ജൈവ വൈവിധ്യ ബോര്‍ഡിന്റെ സഹായത്തോടെ വിദ്യാര്‍ത്ഥികള്‍ക്കും അദ്ധ്യാപകര്‍ക്കുമായി പരിസ്ഥിതി ഉച്ചകോടി നടന്നു. 2013 മേയ് 4 ന് കോട്ടപ്പുറം വികാസ് ഭവനില്‍ വെച്ച് പ്രശസ്ത കവയിത്രിയും പരിസ്ഥിതി സംരക്ഷണ പ്രവര്‍ത്തകയുമായ ശ്രീമതി സുഗതകുമാരി ടീച്ചര്‍ ഉദ്ഘാടനം ചെയ്തു. ബഹുമാനപ്പെട്ട കോടുങ്ങല്ലൂര്‍ എം എല്‍ എ ശ്രീ ടി എന്‍ പ്രതാപന്‍ അദ്ധ്യക്ഷത വഹിച്ച യോഗത്തില്‍ കോട്ടപ്പുറം ബിഷപ്പ് റവ.ഡോ. ജോസഫ് കാരിക്കശ്ശേരി മുഖ്യപ്രഭാഷണം നടത്തി. സര്‍ക്കിള്‍ ഇന്‍സ്പെക്ടര്‍ ശ്രീ സുരേഷ് മങ്ങാട് രചിച്ച 'മണ്ണും മരങ്ങളും പറഞ്ഞത്' എന്ന പുസ്തകം ശ്രീമതി സുഗതകുമാരി ടീച്ചര്‍ പ്രകാശനം ചെയ്തു. വിദ്യാഭ്യാസ ഉപ ഡയറക്ടര്‍ ശ്രീമതി എ എ വല്‍സല യോഗത്തില്‍ സംബന്ധിച്ചു.ഇരിങ്ങാലക്കുട ജില്ലാ വിദ്യാഭ്യാസ ഓഫീസര്‍ ശ്രീ സി സി ജേക്കബ് സ്വാഗതവും ജൈവ വൈവിധ്യ ബോര്‍ഡ് സയന്റിഫിക്ക് ഓഫീസര്‍ ശ്രീ ജി എസ് ഉണ്ണികൃഷ്ണന്‍ നായര്‍ നന്ദിയും പറഞ്ഞു.
