എല്ലാ വിദ്യാര്‍ത്ഥികള്‍ക്കും ആനന്ദകരവും ഐശ്വര്യപൂര്‍ണ്ണവുമായ ഒരു പുതിയ അദ്ധ്യയനവര്‍ഷം ആശംസിക്കുന്നു

Friday 12 April 2013

പരിസ്ഥിതി പ്രാധാന്യമുള്ള പ്രദേശങ്ങള്‍ എം എല്‍ എ സംഘം സന്ദര്‍ശിച്ചു


2013 മേയ് 4,5 തിയ്യതികളില്‍ കൊടുങ്ങല്ലൂരില്‍ നടക്കുന്ന പരിസ്ഥിതി ഉച്ചകോടിയുടെ ഭാഗമായി ശ്രീ ടി എന്‍ പ്രതാപന്‍ എം എല്‍ എയുടെ നേതൃത്വത്തിലുള്ള സംഘം കൊടുങ്ങല്ലൂര്‍ മണ്ഡലത്തിലുള്ള വിവിധ പരിസ്ഥിതി പ്രാധാന്യമുള്ള പ്രദേശങ്ങള്‍ സന്ദര്‍ശിച്ചു. വൈന്തല കണിച്ചാംതുറയിലെ ഓക്സ്‌ബോ തടാകം,അഷ്ടമിച്ചിറയിലെ നിറാല്‍ പാടശേഖരം, കരൂപ്പടന്ന ചീപ്പുചിറയിലെ കണ്ടല്‍ക്കാടുകള്‍, ശ്രീനാരായണപുരത്തെ ശംഖുകൂളം ക്ഷേത്രക്കാവ്, കോട്ടപ്പുറം കായല്‍, പൊയ്യ ഫിഷ്‌ഫാം എന്നീ പ്രദേശങ്ങളാണ് എം എല്‍ എ സംഘം സന്ദര്‍ശിച്ചത്.

                  പുഴയുടെ ഗതിമാറ്റത്തിലൂടെ രൂപപെടുന്ന അപൂര്‍വ്വ പ്രതിഭാസമാണ് ഓക്സ്‌ബോ തടാകങ്ങള്‍ . ചാലക്കുടി പുഴയുടെ ഗതിമാറ്റത്തിലൂടെ രൂപപ്പെട്ടതാണ് വൈന്തല കണിച്ചാംതുറയിലെ ഓക്സ്‌ബോ തടാകമെന്നാണ് കരുതപ്പെടുന്നത്. ഓക്സ്‌ബോ തടാകമാണെന്ന് ഉറപ്പുവരുത്താനുള്ള ശാസ്ത്രീയ പഠനം നടത്തുന്നതിനും പ്രദേശത്തെ സംരക്ഷിത മേഖലയായി പ്രഖ്യാപിക്കുന്നതിനും സര്‍ക്കാരില്‍ സമ്മര്‍ദ്ദം ചെലുത്തുമെന്ന് സ്ഥലം സന്ദര്‍ശിച്ച എം എല്‍ എ അറിയിച്ചു


No comments:

Post a Comment