സ്കൂള്‍ വിദ്യാര്‍ത്ഥികള്‍ക്കായി പരിസ്ഥിതി ഉച്ചകോടി - കൊടുങ്ങല്ലൂരില്‍

അക്ഷരം സമഗ്ര വിദ്യാഭ്യാസ പദ്ധതിയുടെ ഭാഗമായി കൊടുങ്ങല്ലുര്‍ നിയോജകമണ്ഡലത്തിലെ വിദ്യാര്‍ത്ഥികള്‍ക്കായി പരിസ്ഥിതി ഉച്ചകോടി നടത്തുന്നു. 2013 മേയ് 4,5 തിയ്യതികളില്‍ കോട്ടപ്പുറം വികാസ് ഭവനില്‍ വെച്ച് ഉച്ചകോടി ബഹുമാനപ്പെട്ട കേരള മുഖ്യമന്ത്രി ശ്രീ ഉമ്മന്‍ചാണ്ടി ഉദ്ഘാടനം ചെയ്യും.

നിയോജകമണ്ഡലത്തിലെ യു പി മുതല്‍ ഹയര്‍ സെക്കന്ററി വരെയുള്ള ഓരോ വിദ്യാലയങ്ങളില്‍ നിന്നുംതിരഞ്ഞടുക്കപ്പെട്ട രണ്ടു വിദ്യാര്‍ത്ഥികള്‍ക്കും ഒരു അദ്ധ്യാപക പ്രതിനിധിക്കും ഉച്ചകോടിയില്‍ പങ്കെടുക്കാം.

സംസ്ഥാനത്ത് ആദ്യമായാണ് വിദ്യാര്‍ത്ഥികള്‍ക്കായി പരിസ്ഥിതി ഉച്ചകോടി നടത്തുന്നതായി പരിപാടിക്ക് നേതൃത്വം നല്‍കുന്ന ബഹുമാനപ്പെട്ട ​എം എല്‍ എ ശ്രീ ടി എന്‍ പ്രതാപന്‍ അറിയിച്ചു.

പരിസ്ഥിതി അവബോധം വളര്‍ത്തുന്നതിനൊപ്പം നിയോജകമണ്ഡലത്തിലെ    പരിസ്ഥിതി പ്രാധാന്യമുള്ള

സ്ഥലങ്ങള്‍ സന്ദര്‍ശിക്കലും അവയെക്കുറിച്ചുള്ള വിവരശേഖരണവും ചര്‍ച്ചയും നടക്കും.

അഴീക്കോട് അഴിമുഖം, ശ്രീനാരായണപുരത്തെ കാവുകള്‍, കരൂപ്പടന്ന ചീപ്പുചിറയിലെ കണ്ടല്‍ക്കാടുകള്‍ , വൈന്തലയിലെ ഓക്സ് ബോ തടാകം, പൊയ്യയിലെ തണ്ണീര്‍ത്തടങ്ങള്‍ , അഷ്ടമിച്ചിറയിലെ നെല്‍വയലുകള്‍ തുടങ്ങിയ സ്ഥലങ്ങള്‍ സന്ദര്‍ശിക്കും.

സ്ഥലസന്ദര്‍ശനത്തോടൊപ്പം സന്ദര്‍ശന സ്ഥലത്തിന്റെ പാരിസ്ഥിതിക സാമൂഹിക പ്രാധാന്യം സംബന്ധിച്ച സെമിനാറുകള്‍ , ചര്‍ച്ചകള്‍ ഇവ നടക്കും. ഇത്തരത്തില്‍ കണ്ടെത്തുന്ന വിവരങ്ങളും പ്രബന്ധങ്ങളും ഉപയോഗിച്ച് നിര്‍മ്മിക്കുന്ന രേഖഖള്‍ തുടര്‍നടപടിക്കായി സര്‍ക്കാരിന് സമര്‍പ്പിക്കും